လှိုင်သာယာမြို့နယ်က ရွှေလင်ပန်းစက်မှုဇုံရှိ GASAN APPARELစက်ရုံတွင် လစာဖြတ်တောက်ခြင်းကြောင့်ဆန္ဒပြရာ စစ်တပ်ခေါ်ယူဖမ်းစေခိုင်းမှုဖြစ်ပွား

ရန်ကုန်တိုင်း၊ လှိုင်သာယာမြို့နယ်၊ ရွှေလင်ပန်းစက်မှုဇုံ၊ မူကြိုလမ်းဆုံအနီးက GASAN APPAREL စက်ရုံတွင် ဒီကနေ့နံနက်ပိုင်းက လစာ အဓမ္မ ဖြတ်တောက်ခြင်းကြောင့် ဆန္ဒပြမှုဖြစ်ပွားခဲ့ပြီး စက်ရုံရှိတာဝန်ရှိသူများက စစ်တပ်အားခေါ်ယူကာ ဖမ်းဆီးစေခိုင်းမှုဖြစ်ပွားခဲ့ကြောင်းသိရသည်။

" အရင်က ဒေးကြေး၊ Ot ကြေး၊ ရက်မှန်ကြေး၊ ကျွမ်းကျင်ကြေး၊ ကားခ ၊ ထမင်းဖိုး နဲ့ နှစ်ကြေးဆိုပြီးပေးပါတယ်။ အခုက အားလုံးဖြုတ်ချလိုက်ပြီး ဒေးကြေး ၄၈၀၀ ပဲရမယ်လို့ပြောလို့ စက်ရုံလုပ်သား ၃၅၀ ဝန်းကျင်နဲ့ ဆန္ဒပြတောင်းဆိုခဲ့ကြတာဖြစ်ပါတယ် အဲ့ဒါကို မဖြေရှင်းပေးပဲ စက်ရုံက GM မခင်သန္တာဦးနဲ့ မန်နေဂျာဦးမျိုးလွင်တို့က စစ်တပ်ကိုခေါ်ပြီး လာဖမ်းခိုင်းပါတယ်။ စစ်ကား (၅)စီး ရဲကား (၁)စီးနဲ့ရောက်လာပါတယ် ဒါပေမဲ့ အလုပ်သမားတွေက ညီတော့ ဖမ်းတော့မသွားဖူး (၁၁:၀၀)လောက်မှာပြန်သွားကြတယ် ဘယ်ချိန်လာဖမ်းမယ်တော့မသိဖူး ဓာတ်ပုံတွေရိုက်သွားတယ်" ဟု အဆိုပါစက်ရုံ၏ဝန်းထမ်းတစ်ဦးကဆိုပါသည်။

ဒါပြင် ယခုဖမ်းစေခိုင်းခဲ့သော GM မခင်န္တာဦးဟာ ရဲမှူးသမီးဖြစ်ပြီး မန်နေဂျာဖြစ်သူ ဦးမျိုးလွင်ဟာလည်း အငြိမ်းစား စစ်မှုထမ်းဟောင်းတစ်ဦးဖြစ်သည်ဟု ဆက်လက်ပြောကြားသွားခဲ့သည်။

လှိုင်သာယာမြို့နယ်အတွင်း စက်ရုံအများစုဟာ စစ်အာဏာသိမ်းပြီးနောက် အလုပ်အကိုင်ရှားပါးနေခြင်းကို အခွင့်ကောင်းယူခါ အလုပ်သမား ဝန်းထမ်းများအပေါ် ဖိနှိပ်မှုများ မကြာခဏဆိုသလို ရှိနေခဲ့ပါသည်။

အမှီအခိုကင်းသည့် သတင်းသမားများဖြစ်သည့်အတွက် အများပြည်သူတို့၏အကူအညီလိုအပ်ပါသည်။ အကူအညီပေးလိုပါက ဤစာကိုနှိပ်၍ အကူအညီပေးနိုင်ပါသည်။

နိုဝင်ဘာ ၅ ရက်၊ ၂၀၂၁
#လှိုင်သာယာ

#GASAN_APPARELစက်ရုံ

#HTY_Information